السلام عليكم ورحمة الله ،
حي الله الجميع .. أخباااركم ؟! .. إن شاء الله بخير !؟ ، لي كم يوم وأنا
ودي أسولف وأكتب مقال جديد .. والظاهر ماجاء الوقت المناسب إلا قبل شوي ! .
//
أول شيء أبشرركم كلكم ! ، أنه وبحمد الله وفضله .. وبعد إنتظار دام لأكثر
من سبعة أشهر تقريباً .. ضغطت فيه زر 907 أكثر من مليون مره ! ، تكرمت شركة الاتصالات .. وركبّت الـ DSL ، لا ومن زين الخدمة ! ، ركبوووه وانتهوا من التركيب .. ولاعطوني ولاحتى خبر ! ، لافنّي اتصل .. ولاستيكر لصقوه على الباب ! .. صادف يوم من الأيام - وكعادتي - اتصلت على 907 فقالوا لي أنه راكب عندك من كم يوم ! ، طيب ليش ماعلمتوني ؟! وين كلامكم إن الفني بيجي للبيت ويبلغني ؟! ، مالك دخل ! ، أحمد ربك أنه جاك !! .. هكذا يقول لسان حالهم ! .. عموماً الحمدلله أنه أتى وفي الوقت المناسب .. وعسى الله يتمم علينا بخير ! .
// قبل كم ساعة .. رجعت من الدكتور ! ، دكتور الأسنان ! ، توني مرّكب تقويم أسنان عساها تحسّن من مظهرها شوي ! ، بس ماااش ، ودي أرجع للدكتور وأقوله يكنسل التقويم .. ماأقدر أكل ! ولاأعضّ ! ..وألم وقلق ! .. هذا وهو توّه في مراحله الأولية ! ، الله يعين على الأيام الجاية ! .
//
الآن أنا أمرّ بمرحلة .. هي في خضّم الإمتحانات ! ، الإربعاء الماضي والذي
قبله .. اختبرت فيها اختبارين ! كل واحد يقول الشين عندي ! ،
المستوى العام عند الطلاب للإختبارين كان سيء بشكل كبير ! ، واليوم
بعد انهيت أختبار .. بس الحمدلله .. أهون من السابق ! ، وبكره موعد تسليم
المشروع المطلوب منا في مادة الـ [ 113 عال ] ، مشروع عجزت أفهم الغرض منه ! ، فيه تخبط عجيب عندنا بصراحة .. من قبل الدكاتره والمنهج المتبّع ! .. عسى الله يعين وييسر ! .
// [ مجموعة ابو ريناز البريدية التعليمية ] أبشركم أنها تسير بخطوات ثابتة إلى الأمام إن شاء الله .. وهانحن قد بدأنا نحبو .. بعد أن كنّا في المهد ! .. أدعوكم للتسجيل معنا ودعمنا بأفكاركم ومقترحاتكم التي لاغنى لنا عنها ! .
// أفكار كثيرة جداً جداً .. أطمح لتفيذها ... لكن مامن وقت يساعد ! .. وإن كانكم تذكرون مقال الـ [ مشوار الإصلاحي ]
.. الذي أتممته بحمد لله بنسبة نجاح تصل إلى 95% ، والحمدلله .. هاأنا
اليوم أستفدت من خطأ الأمس .. فبدأت أملك نفسي وأرتبّ أوراقي .. والعمل
بنظام الـ [ الأولية للأهم ! ] ، والحمد لله كل شيء على مايرام ، بس كأن الوضع بدأ يتفلت شوي ! .
// كسبت من النت الكثير والكثير ! ، لكن مثل ابو لجين .. ماكسبت !
// لاتنسوني من دعائكم .. فأنا بحاجة إليه !